Бүтүн Россиятааҕы библиотека күнүнэн , Россияҕа  учуутал уонна уһуйааччы, Саха Сиригэр, Таатта улууһугар үлэ сылынан «Библиотекаҕа түүн-2023»   чэрчитинэн ыытыллыбыт тэрээһиҥҥэ араас саастаахтар сырыттылар.

Дьүөгэ түмсүү  ‘’Дьиэ харысхала ’’ кырадаһынтан  тигиигэ маастар кылаас ыыттылар. Маастар кылааска Дьүөгэ түмсүүлэр салайааччы Максимова Т.С. , Мандарова А.П. кырадаһынтан  тигии ньымаларын, иис араас албастарын, сииктэрин көрдөрдүлэр. Кэлбит ийэлэр сукунаттан кырадаһыннары, кыбытык таҥаһы наардаан, “хачайдаан “ сиигинэн тигэн, дьиэлэригэр салгыы ситэрэн тигэргэ сорудах ылан үөрэн –көтөн тарҕастылар.

​

«Ньургуһун – саас кэрэ бэлэҕэ»  брошь оҥоруутугар  маастар кылааһы  талба талааннаах педагог Вера Семеновна Осипова кэлбит кэрэ аҥардарга көрдөрдө.

«Ньургуһун – сырдык ыра сардаҥата» литературнай салоҥҥа  86 саастаах Василий Федотович Колодезников бэйэтэ айбыт ньургуһун туһунан хоһоонун ааҕан сөхтөрдө. Мария Колодезникова, Сардана Егасова, 5 кылаас үөрэнээччитэ Осипов Кэрэмэн  хоһоону доргуччу аахтылар.

«Ньургуһун – ыраас таптал иэйиитэ» темаҕа кэлбит кэрэ аҥардар караоке ыллаан , дууһалыын чэпчээн үөрэн көтөн тарҕастылар.

 Дьоро киэһэҕэ «Кырадаһын умсулҕана»,«Оҕуруо абылаҥа»,«Ньургуһун – сырдык ыра сардаҥата»,  кинигэлэр быыстапкалара турдулар. Библиокафе үлэлээтэ.

«Бары бииргэ ааҕабыт» фотозона үлэлээтэ.

Бары кэлэн кыттыыны ылбыт ыалдьыттарбытыгар, көмөлөспүт дьоммутугар  Алдан нэһилиэгин модельнай библиотекатын аатыттан махталбытын тиэрдэбит.