1 Star2 Stars3 Stars4 Stars5 Stars (2 votes, average: 3,50 out of 5)
Загрузка...
407 views

«Бар дьонугар анаммыт олох» кинигэ биһирэмэ

Н.Д.Неустроев аатынан орто оскуолаҕа  2023 сыл Россияҕа Педагог уонна УҺуйааччы, Саха  сиригэр Үлэ сылларынан  ытыктыыр учууталбыт Педагогическай  үлэ ветерана РСФСР үөрэҕириитин үтүөлээх учуутала, “Гражданскай килбиэн  кавалера ”Таатта улууһун,  Алдан нэһилиэгин Бочуоттаах олохтооҕо Николай Николаевич туһунан  “Бар дьонугар анаммыт олох» өйдөбүнньүк кинигэ биһирэмэ ыытылынна.

Кинигэҕэ кэнчээри ыччаты  иитиигэ- үөрэтиигэ олоҕун анаабыт, сырдыкка, сайдыыга сирдээбит РФ үтүөлээх учуутала Н.Н. Николаев  үлэтин-хамнаһын сырдатар, үтүө аатын үйэтитэр бииргэ төрөөбүттэрин, аймахтарын , коллегаларын, алтыспыт дьонун истиҥ-иһирэх ахтыылара, өйдөбүнньүк хаартыскалар хомуллан киирдилэр.

Кинигэ биһирэмигэр  Дьокуускай куораттан  өр сылларга Н.Д.Неустроев аатынан орто оскуолаҕа директорынан үлэлээбит, СӨ оскуолаларын агросоюһун эбээһинэһин толорооччу директора  Дягилев Петр Гаврильевич, “Алдан нэһилиэгэ» МТ баһылыга Постников Егор Николаевич,  нуучча тылын уонна литературатын учуутала Неустрова Василиса Петровна, Ф.С. Аргунов аатынан Тааттатааҕы оҕо оскуолатын Уус Тааттатааҕы филиалын  учуутала  Баишева Зинаида Петровна,  бэтэрээннэр сэбиэттэрин бэрэссэдээтэлэ Тарабукина Анна Алексеевна,  Дьокуускай куораттан Н.Д.Неустроев аатынан орто оскуолаҕа бииргэ үлэлээбит учууталлар Колодезникова Г.И., Неустроева  Е.Г истиҥ иһирэх ахтыыларын иһиттибит. Бииргэ үлэлээбит коллегалара улахан буукубаттан суруллар дьиҥнээх учуутал, олоҕун бүтүннүүтүн  оскуолаҕа, нэһилиэк сайдыытыгар анаабыт Саха саарына Николай Николаевич аата ааттанарыттан, төрөөбүт дойдутун патриотунан ааҕыахха сөп, оскуола иитэр- үөрэтэр үлэтигэр бу кинигэ олус туһалаах, наадалаах буолуо диэн эрэнэллэрин эттилэр.

Нэһилиэк историятын, үтүө дьоммут ааттарын үйэтитиигэ үгүс үлэни ыыта олорор кинигэни хомуйан таһаарбыт А.Д.Данилова аатынан музей педагогар Неустроева Антонина Николаевнаҕа аймахтара , нэһилиэк олохтоохторо махталларын биллэрдилэр.

Кинигэ биһирэмин Н.Д.Неустроев Уус Таатта орто оскуолатын 5 кылааһын үөрэнээччилэрэ «Махтал эйиэхэ, Учуутал» диэн уус уран ааҕыынан,  «Күн өркөн» 3 кылаас үөрэнээччилэрэ , Ф.С. Аргунов аатынан Тааттатааҕы оҕо оскуолатын Уус Тааттатааҕы филиалын  учуутала В.Васильев ырыаларынан кинигэ биһирэмин эҕэрдэлээтилэр.

Добавить комментарий

Ваш адрес email не будет опубликован. Обязательные поля помечены *