1 Star2 Stars3 Stars4 Stars5 Stars (No Ratings Yet)
Загрузка...
196 views

Библионочь — 2024

Алдан нэһилиэгин модельнай библиотекатыгар » Библионочь- 2024 «акция чэрчитинэн » Дьиэ кэргэнинэн бары бииргэ ааҕабыт» куонкурус  Уус Таатта орто оскуолатын 5 кылаас үөрэнээччилэрэ төрөппүттэрин кытта бииргэ ааҕыыларыгар ыытылынна. Куонкурус 5 түһүмэҕинэн ыытылынна.  Дьиэ кэргэнинэн сөбүлүүр кинигэлэрин аҕалан, кинигэ быыстапкатыгар туруоран, сөбүлээн аахпыттарын  ис хоһоонун билиһиннэрдилэр. Оҕолор саха суруйааччыларын  кинигэ туһунан хоһооннорун дорҕоонноохтук аахтылар. Төрөппүттэрин кытта бииргэ  өс хоһооннору ситэрэн , суолтатын хайдах өйдүүллэрин быһааран биэрдилэр.

Дьиэҕэ сорудаҕы көмүскээһиҥҥэ дьиэтээҕи библиотекаларыгар улахан дьон, оҕо кинигэтэ  төһө баарын кэпсээтилэр.

Төрөппүттэргэ » Саха суруйааччыларын псевдонимнарын» билиигэ тургутук ыытылынна. Күрэхтэһии түмүгүнэн кыайыылаахтар: Влада, Юлия Федотовна Лукиннар- диплом,  1 миэстэ  Саша Осипов  эбэтэ Лидия Ивановна,эдьиийэ Вера Ивановна,  ийэтэ Александра Дмитриевна Осиповтар, 2 миэстэ Айыына эбэтэ Анна Федотовна Слепцовтар, үһүс миэстэ Артур ийэтэ София Павловна Никулиннар.

Маны таһынан дьиэ кэргэнинэн   сөбүлээн аахпыт кинигэлэрин  хаартыскаларынан  презентация куонкурсу көрдүбүт. Төрөппүттэр кырачаан детсад саастаах оҕолоро, эбэлэр, эдьиийдэр кэлэн, барыта 32 киһи буолан, көхтөөхтүк кыттан барбыттарыгар , кылаас салайааччытыгар  Николаева Алевтина Пятионовнаҕа, педагог- библиотекарь Готовцева Розабелла Ананьевнаҕа махтанабыт. Оҕолору ааҕыыга интэриэһи тардан кинигэни таптыырга, сөбүлээн ааҕарга, төрөөбүт түөлбэбит суруйааччыларыттан саҕалаан ,элбэх саха суруйааччылары билэргэ үөрэтэргитигэр баҕарабыт. Ааҕар киһи сайдыылаах, сайдыылаах киһи ситиьиилээх!

Добавить комментарий

Ваш адрес email не будет опубликован. Обязательные поля помечены *