1 Star2 Stars3 Stars4 Stars5 Stars (No Ratings Yet)
Загрузка...
37 views

«Ааҕыы умсулҕана» лааҕыр

«Ааҕыы умсулҕана» лааҕыр быйыл   алын кылаас оҕолоругар  10 күн устата үлэлээтэ. Оҕолор «Лето, книга,друзья»саҥа кинигэлэр быыстапкатын билсэн ааҕан, улуу нуучча суруйааччытын Пушкин «Сказка  о рыбаке и рыбке» остуоруйатын дорҕоонноохтук аахтылар, аахпыт кэпсээннэрин ис хоһоонун кэпсииргэ үөрэннилэр. Бэс ыйын 12 күнүгэр Россия күнүгэр   эйэ холуубун кырыйан, шардары, сибэккилэри кырааскалаан «Окна России» акция5а кытынныбыт, «Я живу в России» хоһооннору нойосуус  үөрэтэн кэлэн аахтыбыт, араас  аралдьытар оонньуулары оонньоотулар.  Айылҕалыын алтыһан кэрэ кытыл биэрэгэр, Н.Д.Неустроев скверигэр экскурсиялаатыбыт. Түмүкпүтүгэр библиотекаҕа аа5ыы лааҕырын туһунан отзыв суруйан аҕаллылар. Попова Алиана 3 кылаас үөрэнээччитэ  «Мин элбэх саҥа уонна интириэһинэй хоһоон үөрэтэн, кэпсээн ааҕан билиибин, өйбүн сайыннардым. Саамай сөбүлээн аахпыт кинигэм аата  «Би! Бо! Бу!»Диана Островеркова суруйбут. Бу лаа5ырга сылдьыбыппыттан  астынабын,элбэҕи биллим.Бары библиотекаҕа сылдьыҥ диэн ыҥырабын.» Оҕолор лааҕырга сылдьыбыппытын сөбүлээтибит, эһиил эмиэ кэлиэхпит диэн сайын устата ааҕар кинигэлэрин уларсан үөрэн-көтөн тарҕастылар.

 

Добавить комментарий

Ваш адрес email не будет опубликован. Обязательные поля помечены *