Сэтинньи 15 күнүгэр Н.Д.Неустроев аатынан орто оскуолаҕа ,, О.Н. Корякина — Умсуура уонна билиҥҥи кэм» практикум семинара Таатта улууҺун саха тылын, төрөөбүт литературатын, төрүт култуура учууталларыгар ыытылынна. ,,Умсуура уонна ,,Чуораанчык,, сурунаал» Дарина Васильевна Николаева 5 кылаас, «ХоҺоон суруйуу ньымалара » Алевтина Пятионовна Николаева 9 кылаас үөрэнээччилэригэр аҺаҕас уруоктары ыыттылар. 9 кылаас үөрэнээччилэрэ бэйэлэрэ айбыт хоҺооннорун дорҕоонноохтук аахпыттарын поэтесса Ольга Николаевна Корякина — Умсуура хас биирдии хоҺооннорун ылан хайдах суруйбуттарын холобурдаан суруйуу ньымаларыгар сүбэлээтэ.Салгыы оҕолорго үтүө баҕа санааларын тиэртэ. Оҕолор истиҥ кэпсэтиигэ тыыннаах суруйааччы тылын- өҺүн истэн , олохторугар умнуллубат кэрэ- бэлиэ түгэн буолан ааста. ХИФУ доцена биир дойдулаахпыт М.П.Попова «Творчество Умсууры в контексте развития современной якутской поэзии» научнай- методическай семинарын олус интириэҺинэйдик ыытта. Күнүс 2 чаастан аактабай саалаҕа «Суруйааччылыын көрсүҺүү»эҕэрдэ кэнсиэр  нэҺилиэк улахан дьоно уонна оскуола оҕолоро Умсуура хоҺооннорун ааҕыыттан саҕаланна. Алдан нэҺилиэгэ Тыа сирин түөлбэтин баҺылыгын солбуйааччыта Лев Петрович Неустроев эҕэрдэ суругун уонна «Алдан нэҺилиэгин социально — экономическай сайдыытыгар кылаатын иҺин» бэлиэни Ольга Николаевна Корякина — Умсуураҕа туттарда. Умсуура бэйэтин ахтыытыгар оҕо сааҺын, Уус Тааттаҕа алта сааҺыгар дылы олорбут үтүө өйдөбүлүн, баҕа санааларын тиэртэ. Ыалдьыппыт Иустиния Варламова Умсуура хоҺоонун иэйиилээхтик ааҕан тойугунан түмүктээтэ.НэҺилиэк уонна орто оскуола үөрэнээччилэрин эҕэрдэ кэнсиэрин кэлбит ыалдьыттарбыт астына көрдүлэр.

Саха тылын учууталларыгар ыалдьыттарга «Умсуура эйгэтэ» интерактивнай оонньууну төрүт култуура учуутала Кочнева Анна Софроновна ыытта. Оонньууга Ольга Николаевна Корякина — Умсуура боппуруостарга таба эппиэттииллэригэр тус бэйэтинэн кыттыыны ылан оонньууга өссө интириэҺи тарта. Бастакы миэстэни  Мария Сивцева, иккис миэстэни Анна Боппосова , 3 миэстэни Оксана Андросова ыллылар. Умсуураттан Добун суругу кытта кинигэ , сурунаал бэлэх туттулар. Кэлбит ыалдьыттарбытыгар » Дойду сурахтаах , алаас ааттаах » оскуола музейыгар баай ис хоҺоонноох историятын музейнай педагог Антонина Николаевна Неустроева сиҺилии кэпсээтэ. Холлга ,, Умсуура — айар аартыгын суолунан», » Чуораанчыктыын доҕордос» кинигэ быыстапкаларын Алдан нэҺилиэгин модельнай библиотекатын сүрүннүүр библиотекара Маркова А.К., оскуола педагог библиотекара Готовцева Р. А. , Умсуура олоҕун , айар үлэтин сырдатар баай ис хоҺоонноох быыстапканы оскуола музейын үлэҺитэ Антонина Неустроева туруорууларын кэлбит ыалдьыттар , нэҺилиэк олохтоохторо сэҥээрэн көрдүлэр.