«Чолбон»  сурунаал өрөспүүбүлүкэ улуустарыгар ыытар оонньуута салҕанар. Ахсынньы 11 күнүгэр Россияҕа Дьиэ кэргэн, Саха Өрөспүүбүлүкэтигэр Оҕо Саас сылларыгар аналлаах уонна саха литературата төрүттэммитэ 125 сылын көрсө «Чолбон» Өй күрэһэ  II улахан оонньуу» Таатта улууһугар буолла. Оонньуу сурунаал үлэһиттэрин көмөтүнэн  кэтэхтэн ыытылынна. Күрэс сыала-соруга дьиэ кэргэн болҕомтотун саха уус-уран литературатыгар тардыы, сахалыы уус уран литератураны ааҕыыны көҕүлээһин, сахалыы ааҕар, литератураны таптыыр дьону булан түмүү, иитии уонна өйөөһүн.

Биһиги Алдан нэһилиэгин аатыттан Неустроева Василиса Петровна кыыһынаан Постникова Ольга Гурьевналыын уонна кийииттэрэ Неустроева Александра Степановна кытыннылар. Кыттыыны ылбыт Василиса Петровнаҕа, Ольга Гурьевнаҕа, Александра Степановнаҕа махталбытын тиэрдэбит.

Саха литературатын билиини тургутар түөрт түһүмэхтээх оонньууга I миэстэни Вырдылиннар (Чөркөөх), II миэстэни Прокопьевтар (Чымынаайы), III миэстэни Лопатиннар (Игидэй) ыллылар.