1 Star2 Stars3 Stars4 Stars5 Stars (No Ratings Yet)
Загрузка...
59 views

«Таатта улууһа» МТ дьаһалта 2024 сыллааҕы отчуота

Уус-Таатта Алдан эбэ кытылыгар турар Таатта улууһун биир улахан нэһилиэгинэн ааҕыллар, араас күндү балыгынан, өлгөм сир аһынан, туохтан да толлон турбат үлэһит дьонунан биллэр.

«Кытыл» норуот айымньытын дьиэтигэр тохсунньу 21 күнүгэр  «Таатта улууһа» дьаһалтатын 2024 сыллааҕы үлэтин отчуотун   баһылык  эбээһинэһин толорооччу  Захаров Руслан Игнатьевич иһитиннэрдэ.

Отчуот кэнниттэн  «Алдан нэһилиэгэ» МТ дьаһалтатын баһылыгар Постников Егор Николаевичка «Почетный работник органов местного самоуправления Таттинского улуса» бэлиэни, «Дьон уоскулан олоҕун турууһулааччы бастыҥ үлэһитэ — 2024» анал аат Уус Тааттатааҕы аҕыйах ахсааннаах баһаарынай чааһын начальнигар Холмогоров Виталий Михайловичка туттарбытын  Алдан нэһилиэгин олохтоохторо дохсун ытыс тыаһынан эҕэрдэлээтилэр.

2024 сыл түмүгүнэн туох үлэ-хамнас ыытыллыбытын, үүммүт сылга сыаллары-соруктары истэн баран, нэһилиэк олохтоохторо кэлбит улуус салайааччыларыгар бэйэлэрин этиилэрин, боппуруостары биэрдилэр.
Сүрүннээн киин балыыһаҕа эбии УЗИ бырааһа наадатын, эдэр специалистарга 4 квартиралаах дьиэлэрин тутуутун, оскуола ремонун туруорустулар, махтал тылларын тиэртилэр.
Ааспыт сыллааҕы отчуокка киирбит туруорсуу түмүгүнэн билигин Уус-Тааттаҕа хаарбах дьиэттэн көһөрүү программанан 32 квартиралаах дьиэ улэҕэ киирэн, дьон үөрүүтэ муҥура суох, 62 чааһынай ыаллар киин ититэр ситимҥэ холбоннулар. Маны тэҥэ 100 миэстэлээх оҕо уһуйаанын тутуута ыытылла турар. Оҕо уһуйаана былаан быһыытынан 2026 сыл IV кварталыгар үлэҕэ киириэхтээх.
Отчуот биир тыынынан  16:00 чаастан саҕаланан баран киэһэ 18.20 чааска диэри ыытылынна. Ол курдук мунньахха олохтоох нэһилиэнньэттэн 73 киһи сырытта. Алдан нэһилиэгин олохтоохторо  сыллааҕы үлэни туйгуннук сыаналаатылар.

Добавить комментарий

Ваш адрес email не будет опубликован. Обязательные поля помечены *