Загрузка...
Саха Сирин бастакы Президенэ М.Е. Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» Ыйааҕыгар олоҕуран, Семен Андреевич Новгородов төрөөбүт күнэ — олунньу 13 күнэ — Төрөөбүт тыл уонна сурук-бичик күнүнэн биллэриллибитэ.
Н. Д. Неустроев аатынан орто оскуола үөрэнээччилэригэр «Төрөөбүт тыл, сурук — бичик күнүгэр» аналлаах уруоктары оскуола библиотекатыгар Готовцева Р. А. уонна Алдан нэһилиэгин модельнай библиотекатыттан Маркова А. К. ыыттылар.
https://rutube.ru/video/0d8aba571e7e83d2998d57b0a106de67/
Олунньу 14 күнүгэр Алдан нэһлиэгин модельнай библиотекатыгар Төрөөбүт тыл, сурук — бичик күнүгэр өрөспүүбүлүкэтээҕи «Сахалыы дьыктаан» аахсыйаҕа кыттан, буойун суруйааччы Тимофей Сметанин «Кыайбыттар ыһыахтара» айымньытыттан 206 тыллаах дьыктаан суруйдубут. Дьыктааны оскуола педагог — библиотекара Розабелла Ананьевна Готовцева аахта. Барыта 9 киһи суруйбутуттан туйгун сыананы ылан «Бастыҥтан бастыҥ суруксут» буоллулар:
Бурнашева Х. Р., Гоголева А. Г., Готовцева М.Н., Готовцева М.Т., Колодезникова Л. И., Максимова М. К., Маркова А. К., Христофорова М.М., Чирикова В.П.