Н. Д Неустроев аатынан орто оскуола 2 кылааһын үөрэнээччилэригэр «Аҕа дойду Улуу сэриитэ» Кыайыы 80 сылыгар аналлаах библиотечнай уруок ыытылынна.

Үөрэнээччилэр «Никто не забыт! Ничто не забыто!» кинигэ быыстапкатын билистилэр.  А5а дойду сэриитигэр оҕолорго аналлаах кинигэ ырытыытын бол5ойон олорон иһиттилэр. Сэрии туһунан хоһооннору дорҕооннохтук аахтылар. Саамай үөрүүлээҕэ Кыайыы 80 сылыгар анаан 2 кылаас үөрэнээччилэрэ » Умнар бырааппыт суох» Уйбаан Бахсылыырап суруйбут кэпсээниттэн хомуйан оҥорбут кинигэлэрин библиотека5а бэлэх ууннулар.Кинигэни хомуйан оҥордулар алын сүһүөх учуутала Туйаара Анатольевна Колодезникова, Н.Д Неустроев аатынан орто оскуола муусукаҕа учуутала Владимир Владимирович Васильев, худуоһунньуктар  Аммосова Лидияна, Сидорова Нарыйаана.

Маны таһынан оҕолор кылааска ааҕар кинигэлэрин бэйэлэрэ талан уларсан , аахпыт кинигэлэрин ис хоһоонун кэпсээн,  Аа5ыы лаа5ыра аны сайын  хаһан үлэлиирин ыйыталаһан, лааҕырга сылдьыахпыт диэн үөрэн- көтөн тарҕастылар.

Кинигэ баар бараммат баай! » Кинигэни элбэхтик аах, оччоҕо эбиллиэҥ, сайдыаҥ…Үчүгэй кинигэ баар дьоһун оскуола, сыаналаах кылаат» төрөппүттэр оҕолоргутун кытта бииргэ сахалыы тылынан кинигэлэри сэҥээрэн тэҥҥэ ааҕан билиилэрин кэҥэтэллэригэр баҕарабыт.