Биир дойдулаахпыт Николай Егорович сырдык аатын үйэтитэн, кини айымньыларын киэҥ араҥаҕа тарҕатар сыалтан төрөөбүтэ 80 сылын туолар күнүгэр Алдан нэһилиэгин модельнай библиотекатыгар ахтыы күнэ олус иһирэхтик буолла.  Уус-Таатта орто оскуолатын 8 кылааһын үөрэнээччилэрэ (салайааччы Алевтина Пятионовна Николаева) автор «Тапталлаах Алланым» хоһоонун бэлэх ууннулар. М.В. Максимова аатынан Уус-Таатта народнай хорун кыттыылаахтара «Алламмар» ырыаны толордулар. Салайааччы Зинаида Петровна Баишева.

Бу тэрээһиҥҥэ кини олорон ааспыт олоҕун, айымньыларын ырыттыбыт. билиибитин хаҥатан викторина оонньоотубут. Викторина түмүгүнэн маҥнайгы миэстэ Винокурова Лиана, иккис миэстэни Христофорова Матрена уонна үһүс миэстэн Кучурова Света ыллылар. Бииргэ алтыспыт биир дойдулаахтара, кини айымньыларыгар сүгүрүйээччилэр Антонина Николаевна Неустроева, Зинаида Петровна Баишева,  уонна Марфа Алексеевна Тарабукина олус иһирэхтик ахтыы оҥордулар. Уус-Таатта олохтооҕо, Үлэ бэтэрээнэ Екатерина Андреевна Николаева Урсуннуун Киэҥ Rүөлгэ бииргэ бииргэ олорбуттарын, улааппыттарын кыыһа саха тылын уонна литературатын учуутала Алевтина Пятионовна Николаева кэпсээтэ.

Ону таһынан, Урсун үбүлүөйдээх сылынан, кини хоһоонноругар онлайн видео монтаж конкурсугар Таатта улууһун, Амма нэһилиэгиттэн (Чычымах):

4 кылаас үөрэнээччитэ Ноенохова Селена  “Таатта” диэн хоһоонунан- 1 миэстэни https://vkvideo.ru/video-217305231_456239032

Васильева Алиана (4 кылаас) “Саха үгэһэ” хоһоонунан — 2 миэстэни, Павлов Айтал (4 кылаас) “Талах курдаах Тааттабын” хоһоонунан 3 миэстэни ылары ситистилэр. https://vkvideo.ru/video-217305231_456239037

Улахан дьоҥҥо кыайыылааҕынан таҕыста, Колмогорова Акулина Павловна – Дьохсоҕон нэһилиэгэ, Николай Егорович — Урсун хоһооно: “Тоҕо төрөөбүтүм буолуой?” https://vkvideo.ru/video-217305231_456239034

Бары кыттыыны ылбыт биир дойдулаахтарбытыгар махтанабыт.

Тэрээһини бу сигэнэн киирэн көр: https://vkvideo.ru/video757883353_456239055