Оҕо кинигэтин нэдиэлэтэ

         Н.Д.Неустроев аатынан Уус Таатта орто оскуолатыгар оскуола, Алдан нэһилиэгин  модельнай библиотекалара  «Оҕо кинигэтин нэдиэлэтин» ыыталлар. Оҕону кыра эрдэҕиттэн ааҕыыга көҕүлүүр сыаллаах үлэ сылын ахсын утумнаахтык барар. Быйылгы  үлэбит Арассыыйаҕа Дьиэ кэргэн, Саха сиригэр Оҕо саас,  нэһилиэккэ  Оҕо Ааҕыытын   сылыгар ананар.

Библиотекаларга  тохсунньуттан «Читаем всей семьей»,«Писатели юбиляры»,  «Книги юбиляры» о5олорго аналлаах кинигэ быыстапкалара  туруоруллар.

Бастакы күн   оскуола педагог библиотекара Готовцева Розабелла Ананьевна  5-6 кылаас үөрэнээччилэригэр айар дьоҕурдарын сайыннарар сыаллаах  «Мин таптыыр кинигэм»   уруоктары ыытта.

​

Иккис күҥҥэ  5 кылаас  “Бастакы кинигэлэр» диэн темаҕа библиотечнай уруокка үөрэннилэр.

Үһүс — төрдүс күннэргэ,  муус устар 8 күнүгэр Реас  Алексеевич Кулаковскай төрөөбүтэ 110 сылыгар аналлаах «Суруйааччы, учуутал, аҕа» библиотечнай уруоктар  7-10 кылаас үөрэнээччилэригэр ыытылыннылар. Олохтоох библиотека сүрүннүүр библиотекара Маркова А.К. суруйааччы олоҕун, айар үлэтин билиһиннэрдэ. Оҕолор тургутук боппуруостарга эппиэттээтилэр. 8 кылаас үөрэнээччитэ  Винокурова Вика  «Абааһы», « Чөчүөккэ» кэпсээннэрин доргуччу аахта, ол  кэннэ оҕолор санааларын үллэһиннилэр.